• الرئيسية
  • غرفة الهداية
  • تابعنا



السؤال:
أختي من أجل الحصول على معاش أبي استخرجت وثيقة طلاق مزورة فهل هذا يجوز؟
الجواب:

السائلة: والدي متوفي وزوجة والدي بتاخد معاش شهريًا لإن هي معندهاش أولاد تانية مكنتش بتنجب فبتاخد معاش والدي كله. ولي أختي متزوجة وكان زوجها توفي فتزوجت من آخر، وزوجها الحالي بيقولها أنا هاصرف على أولادي بس أولاد زوجك التاني أنا مش هاصرف عليهم، فهي عندها ولدين هما بياخدوا معاش والدهم وليها بنت متزوجة بس بيجي موسم أو عيد مبتقدرش تديها يعني تصرف عليها لأن زوجها مبيدهاش غير لأولاده هو بس ومعاش زوجها الآخر بيروح لأولادها فهي مبتقدرش تجيب لها موسم أو حاجة، فهي راحت لأخ عملها قسيمة طلاق من زوجها وكتبلهم ورقتين جواز عرفي شرعي عشان تقدر تاخد من معاش والدي -الله يرحمه-، فأنا عايزة أفهم بس ده حرام؟ إن هي دلوقتي زوجها هي عايشة معاه ومكانش في نيتها الطلاق هي بس عملت قسيمة الطلاق بحكم إن هي تقدر تطلع جزء من معاش والدي -الله يرحمه-. الشيخ: أنا أسألك يا بنيتي، هذا كذب أم صدق؟
السائلة: لا هو ده كدب وأنا نبهتها بس برضه هي مش مقتنعة
الشيخ: خلاص هذا كذب. وهذا غش أم عدم غش؟
السائلة: ده غش طبعًا وأنا قلتلها، أنا بس عايزاها هي تسمع، هي بتشاهد حضرتك دلوقتي
الشيخ: خلاص يا بنيتي يبقى كما تفضلتي مأجورة مشكورة أن هذا كذب وغش على ولي الأمر وبالتالي يكون حرامًا والله أعلم.

تاريخ إصدار الفتوى الخميس ٢٦ أبريل ٢٠١٨ م
مكان إصدار الفتوى الرحمة
تاريخ الإضافة الأحد ٢٥ أغسطس ٢٠١٩ م
حجم المادة 3.84 ميجا بايت
عدد الزيارات 703 زيارة
عدد مرات الحفظ 91 مرة